Esperientzia eta erreferentziak

EFQMren alorrean esperientzia eta ibilbide luzeena duen Europako aholkularitza enpresetako bat gara. 2000. urtetik, Acorde Consulting-eko Zuzendaria (Jose Antonio Calvo) kategoria goreneko ebaluatzaile ofiziala da (sari europarra), eta taldeko lider gisa ari da 2005etik. Horrez gain, duela zenbait urtetik, EFQMk Espainian “Licensed Advisor” gisa homologatuta duen aholkulari apurretakoa da, eta orain denbora gutxi, erakundeak berak “EFQM Ambassador” gisa aintzatetsi dituen Europako 20 profesionalen artean aukeratua izan da.

Konpromiso horren fruitua, EFQMn oinarritutako kudeaketa ereduen garapenean eta Europa osoan egiten diren ebaluazioetan dugun esperientzia luzea da, prestakuntza eskainiz, ebaluazio eta aintzatespenak lortzeko prozesuetan lagunduz…

Gure hurbileko ingurunean, Euskalit da erreferentziazko erakundea bikaintasunaren bultzadan eta enpresa kudeaketaren hobekuntzan. 2004tik, Euskalit da gure aliantza nagusietakoa. Ordutik, proiektu askotan aritu izan gara elkarlanean; aholkulari homologatuak gara ebaluatzaileen prestakuntzarako (EFQMkoak edo Kudeaketa Aurreratu Eredukoak), zein estrategian, prozesuen araberako kudeaketan, pertsonen kudeaketan… prestakuntza gauzatzeko, mota guztietako sektoreetan eta erakundeetan.

Euskalitek “Kudeaketa Aurreratu Eredu” berria garatu du orain denbora gutxi, eta Acorde funtsezko bazkidea da, konpromiso handia izanik inguruko erakundeetan eredua garatzeko, ezagutarazteko eta hedatzeko lanean aritzeko.

Horrez gain funtsezko bazkideak eta erreferentziazko aholkulariak ere bagara enpresa bikaintasunaren hedapenarekin konpromisoa duten gure inguruko beste erakunde batzuentzat, EFQM edo Kudeaketa Aurreratu ereduen bitartez, besteak beste, eta baita berrikuntzarekin eta etengabeko hobekuntzarekin erlazionatutako beste ekimen batzuen bidez ere.

Adibidez: ADER (Agencia para el Desarrollo Económico de la Rioja) edo Bikaintasunerako Nafarroako Fundazioa. CEX, erakunde horiek eta bikaintasunaren sustapenean ari diren antzeko beste batzuk elkartzen dituen elkartea.

Hamabi lankidetza proiektu baino gehiago eraman ditugu aurrera Euskal Herriko Unibertsitatearen inguruan, hainbat Eskolarekin eta Fakultaterekin, plan estrategikoak garatzeko, kudeaketa eredua hobetzeko… Hori guztia, Unibertsitatearen kudeaketa sistema propioaren barruan (AUDIT sistema, Unikude, etab.).

Horrez gain, UPV/EHUren barruan eskaini diren zenbait MBA Executiveren hainbat ediziotan ere aritu izan gara elkarlanean.

Urte asko daramatzagu Mondragon Unibertsitatearekin lankidetzan, hainbat hartzailerentzat antolatutako zenbait MBAko moduluak eskainiz.

Unibasq, Euskadiko Unibertsitate Sistemako Kalitate Agentzia da. Hainbat deialditan aritu izan gara elkarrekin, ikastetxeen kalitatearen kudeaketa sistemaren ebaluazioan, akreditaziorako, zein graduko eta gradu-osteko tituluen ebaluazioan.

UNEDek (Universidad Nacional de Educación a Distancia) Tuteran duen egoitza, Kalitatearen Katedraren egoitza ere bada. Acordek lankidetza estua du Katedra horrekin, eta horri esker, zenbait on-line prestakuntza proiektu gauzatu dira (Unibertsitate Hedapenaren esparruan).

Sarritan aritzen gara zenbait enpresa elkarterekin eta erakunderekin lankidetzan, sektore guztietako enpresetako zuzendaritza taldeetako kideei zuzendutako ikastaroak, jardunaldiak edo mintegiak eskainiz.

Acorden esperientzia zabala daukagu sektore publikoko kudeaketaren alorrean (ikusi erreferentziei buruzko atala). Hainbat administraziotako sektore publikoko erakunde askorekin aritu izan gara lankidetzan, kudeaketa hobetzeko, estrategiako… proiektuetan.

Beste erreferentzia batzuen artean, duela denbora gutxi, Administrazio Publikoaren kudeaketa hobetzeko Aurrerabide Programako (Eusko Jaurlaritza) arduradunek, programa hori Eusko Jaurlaritzako zenbait Sailetan hedatzeko prestakuntza eta laguntza ekintzak aurrera eramateko aukeratu gaituzte.

Nafarroako Gobernuko Hezkuntza Sailaren erreferentziazko aholkularitza enpresa ere bagara; azken urteetan, SGCC (Sistema de Gestión de la Calidad de Centros) arauaren garapenarekin eta hobekuntzarekin erlazionatutako hainbat proiektutan aritu izan gara. Horrez gain, zenbait zentro saretan prozesuen araberako kudeaketaren garapenari laguntzen eta plangintza estrategikoko gidak garatzen ere egin dugu lan.

Erreferentziazko enpresa gara turismoaren sektoreko kudeaketaren hobekuntzan eta kalitate sistema espezifikoen ezarpenean. Zenbait alorretan sektoreko enpresekin izan dugun hainbat lankidetzaz gain, azken urteetan Basquetourrek Euskadiko Turismoaren Kalitate Konpromisorako programa kudeatzeko eta aurrera eramateko aukeratu gaitu. Horrez gain prestatzaile eta ebaluatzaile gisa hartzen dugu parte programa horretan. Gainera, SICTED esparru berean aritu gara beste programa batzuetan Anfitrioi gisa –Xehetasunaren kultura…–.